Satana Perkele!

Árans déskotinn!

Komandi helgi leggst geysivel í mig. Ekki nóg með það að veðurspáin er barasta fín (í fyrsta skiptið í svona ca. 12000 ár) heldur verða þrítugsafmæli út um allt. Hreinlega ekki þverfótað fyrir afmælum og ef maður passar sig ekki gæti maður hreinlega dottið um eitt slíkt.. Alla vega verður nú eitthvað dottið. Mjög hugsanlega bara hrunið í það.

Sum sé.. Hækkandi sól er að gera sig og sitt fyrir mitt litla svarta sálartetur og hreinlega hoppa ég út um allt eins og lítill kiðlingur með njálg. Sérlega bærilegt allt saman. Nú er bara að vona að gula helvítið geti brætt hvíta ógeðið burt sem fyrst. Ef að þessi snjór fer ekki að fara neyðist ég til að fara út og berja hann í andlitið.

Annars var ég að láta bæta í tattúið mitt. Myndi henda inn myndum ef ég nennti því. Þið verðið bara að koma og sjá í staðinn.

Svo er líka pöbbkviss á Húsavík á morgun. Ekkert að því! Verður gaman að sjá hvort Alli þorir að mæta eftir að hafa beðið afhroð í síðasta skipti. Ég stefni á sigur að sjálfsögðu. Stefni ótrauður á að rústa fyrrum liðsfélaga mínum honum Aðalsteini. Það hefur bersýnilega komið í ljós hver dróg vagninn á Grand Rokk í gamla daga.. Vil ég meina að án þess að hafa mig við hliðina á sér sé Alli svona svipað góður í Pöbbkvissi og Derby er í úrvaldeildinni..

Lag dagsins er hið stórkostlega Don´t break the Oath með Mercyful Fate!

Afmæli!

Pangolin!

Gaman að þessu!!

Langt síðan síðast..

En alla vega. bibbi vinur minn hafði samband við mig um daginn út af smá hugmynd sem hann geymir í skrattakollinum sínum. Sökum ofboðlegrar leyndar ætla ég ekki að fara nánar út í hugmyndina heldur ætla ég að huga að afleiðingum hennar. Við sem sagt neyddumst til að skrafa og skeggræða um óld skúl dauðarokk (bibbi er einmitt afbragsgóður skrafari og skeggræðir eins og enginn sé morgundagurinn!).
Gamla dauðarokkið er nefnilega ævafornt áhugamál okkar beggja en síðustu ár höfum við sorglega lítið einbeitt okkur að þessari frómu stefnu. En alla vega.. Eftir töluvert spjall og heilaóveður og gúggl ýmis konar rákumst við á einhvern déskotans topp 20 lista yfir bestu dauðu plöturnar. Og okkur að óvörum tróndi platan "Unquestionable presence með bandinu Atheist á toppnum. Hvorugur okkar kannaðist við kauða og hófumst við strax handa við að reyna að eignast gripinn á ólöglegan hátt.
Nema hvað. Platan er komin í hús og þetta er svona mikil glimrandi helvítis snilld! Djassað, proggað, latínóskotið dauðarokk flutt af afbragðs tónlistarmönnum! Ekkert að þessu!!

Töluverður "Death" keimur af þessu en það hefur nú heldur aldrei komið að sök. Þetta verður nú væntanlega til þess að maður hellir sér aftur af fullri alvöru í þessa stefnu og er stefnan sett á að ná í helstu meistarastykki Monstrosity, Death, Pestilence og Morbid Angel.

Good times ahead!

Lag dagsins er Mother Man með Atheist..

Partýstuð!

Eigum við að skella í eina dúkku?

Það vantar meiri kúabjöllu!!

Brjálaður!

Er í ruglinu.

Mér finnst ágætt að vera fullur. Hef líka verið fullur með hléum í næstum þrettán ár. Sem að þýðir það að maður hefur marga fjöruna sopið og teygað lopann býsna oft. Og þ.a.l. hefur maður endrum og eins orðið þunnur. Og stundum illa þunnur. En núna hefur tekið steininn úr.. Braut öll lögmál þess að láta sér líða illa í dag. Það var bara eins og ég hefði drukkið edik og díselolíu til skiptis í gærkvöld. Hryllilegt alveg hreint! Ég kenni hryllilega vonda fordykknum á broadway um. Hann alla vega leit út og bragðaðist eins og hann væri búinn til úr apahlandi og útrunnu tannkremi. Samt ákvað ég nú að drekka 6 glös af honum. Maður er náttúrulega svo ofboðslega snjall!
 Annars var þetta bara ágætis suðurferð.. Hitti nokkuð af góðu fólki og svoleiðis.. Fínt að gista líka á hóteli eins og aðalsmaður. Djöfull var samt leiðinlegt að þurfa að sitja í óþægilegum bíl í ömurlegu veðri í nokkra tíma á fös. Var orðinn alveg brjálaður í skapinu. En það rann nú fljótt af mér þegar ég komst á hringbrautina til lopasneiðarinnar. Ég og yngri helminguur hringbrautarbúa horfðum líka á svo stórfenglega mynd á rúvinu. Bona fide hasarmynd um bókasafnsvörð! Ekkert að því!!
 annars er gaman að segja frá því að ég er svo skjálfhentur að það er búið að taka mig hálftíma að skrifa þessi örfáu orð.. Ætla í drykkjupásu alla vega fram að næstu helgi.
Annars var Addi að tuða yfir því að hann þekkti aldrei lög dagsins hjá mér. Þannig að lag dagsins í dag er tileinkað Sneiðinni og er Ertu þá farinn með Skítamóral.

Og þá er ég farinn!