Rétti tíminn.

Sá tími kemur í lífi hvers manns að hann þarf að vera með ljóta hormottu. hef ég ákveðið að næstu vikur séu sá tími. Hef ég því rakað af mér hökutoppinn sem lengi hefur verið mér svo kær og skilið eftir forláta, forljóta, þunna og asnalega hormottu. Ætla ég að þráast við og halda þessu fyrirkomulagi alla vega fram yfir áramót. Og hver veit.. Kannski verð ég þá búinn að taka ástfóstri við ófétið og ákveð að halda draslinu. Vona ekki samt..
Ætla að fara til Hú á eftir og hrynja í það og láta fólk gera grín að því hvað ég er asnalegur. Eiginlega lít ég út eins og ellefu ára strákur með ljótt yfirvaraskegg.. En kannski fíla gellurnar þetta. Alla vega hefur hitt lúkkið ekki gefist nógu vel.
Annars er ég bara hress. Dulítið svangur en hress..



Bið að heilsa. Lag dagsins er Final Six með Slayer.

Sjúbaba!!

Jólakötturinn..

Þá er það ákveðið! Nenni ekki að fara í jólaskap þetta árið.. Fæ að öllum líkindum engar rjúpur og verð að vinna svo að segja öll jólin.. Húmbúkk!

Þar fór í andskotans verra!

Blóð

Lítið að frétta svo sem. Ég náði því loksins um daginn að klára Dark Tower bækurnar eftir Stephen King og mæli ég svo sannarlega með þeim. Afbragðs skemmtun og ekki skemmir fyrir að vera dulítill King-nörd þegar maður leggst í þetta stórvirki. Alls konar vísanir í hinar og þessar bækur eftir höfundinn og alls kyns skemmtilegar tengingar. Var til að mynda býsna mikið um tengingar við eina eldgamla sögu sem heitir Salem´s Lot. Sá ég því enga aðra kosti í stöðunni heldur en að renna í bókabúð og ná í gripinn en þetta er ein fárra bóka King sem ég hef ekkert lesið. Salem´s Lot er sum sé bona fide hryllingssaga um vampírur og ég get svo svarið það að ég held ég sé að drulla á mig! Langt síðan ég hef orðið svona hræddur/spenntur yfir bók. Sem er náttúrulega ekkert nema gott og blessað. Núna er ég kominn með alveg afbragðs paranoiu og sé vampírur í hverju horni! Reyndi til að mynda að reka blýant í gegnum hjartað á pabba þegar hann lét grunsamlega.. Já og svo fer ég ekki út úr húsi lengur nema að hafa hvítlauksknyppi um hálsinn og vígt kók (svona eins og vígt vatn en bara betra á bragðið).

En allavega mæli ég með bæði Dark Tower seríunni og Salem´s Lot. Já og bara Stephen King almennt. Hann er töffari sem hlustar á AC/DC og skrifar skemmtilegar bækur!

Það styttist!

Partý!!

Hey! Ég ætla í félagi við hina undurfögru og gjafvaxta Birgittu Paunxdóttir að halda upp á afmælið mitt á ölkránni Dillon föstudaginn 16. Nóv næstkomandi. Ef þú ert ekki leiðinlegur og fífl þá væri gaman að sjá þig þar. Samt ákveðið skilyrði að annað hvort okkar þekki þig.. Afmælisgjafir væru vel þegnar en þó ekkert nauðsynlegar. Heitið er gleði, stuði og góðum félagskap. Eitthvað verður um drykkjarföng á staðnum og almenn ölvun barasta ekkert illa séð. Ég persónulega lofa því að klassískir standardar á borð við Carry on my wayward son með Kansas, Alone með Heart, Forever Young með Alphaville og Time after time með Cindy Lauper fá að hljóma!

Mætið og höfum gaman!


P.S. ef þú varst á listanum yfir þá sem að máttu ekki fá far suður þá þarftu ekki að reyna að mæta.. Þér er ekki boðið!

Smá svona..

Hryllilega gamall

Ég og Roy Rogers eigum afmæli í dag.


Lag dagsins er Carry on my wayward son með Kansas

Let´s start in style. Let´s dance for a while.